ශ්‍රී ලංකා අපනයන සංවර්ධන මණ්ඩලයේ නිල වෙබ් අඩවිය වන www.srilankabusiness.com වෙබ් අඩවිය මගින් පවත්වාගෙන යනු ලබන විද්‍යුත් වෙළඳපොළ හරහා දේශීය අපනයනකරුවන්ට තම නිෂ්පාදන හා සේවා ලෝකයට විවෘත කිරීමේ හැකියාව ලැබේ. අන්තර්ජාලය හරහා දේශීය නිෂ්පාදන හා සේවා ප්‍රවර්ධනය කිරීමේ සහ විකිණීමේ ප්‍රමුඛ විද්‍යුත් වෙළඳපොළක් ලෙස ශ්‍රී ලංකා අපනයන සංවර්ධන මණ්ඩල විද්‍යුත් වෙළඳපොළ හැඳින්විය හැක. විදේශිය ගැනුම්කරුවන්ට/පාරිභෝගිකයන්ට අපනයන සංවර්ධන මණ්ඩල විද්‍යුත් වෙළඳපොළ හරහා පුළුල් පරාසයක විහිදී ඇති දේශීය අපනයන නිෂ්පාදන සහ සේවා පිලිබඳ තොරතුරු විමසීම මෙන්ම ණයවර පත් හරහා ඉතා ආරක්ෂිතව ඒවා මිලදී ගැනීමේ හැකියාවද ඇත.
මෙම ප්‍රමුඛ කර්තව්‍යය හරහා ලොවපුරා විසිරි සිටින ගැනුම්කරුවන්, විකුණුම්කරුවන්, භාණ්ඩ ප්‍රවාහකයන්, වෙළඳපොල හා අපනයන නිෂ්පාදන පිලිබඳ තොරතුරු සමග එකම විද්‍යුත් වේදිකාවකට ගොනු කරනු ලබන අතර මෙම දුෂ්කර කර්තව්‍යය වඩාත් කාර්යක්ෂමව කරගෙනයාම සඳහා ශ්‍රී ලංකා අපනයන සංවර්ධන මණ්ඩලය මගින් ඉතා ආරක්‍ෂිත සහ විශ්වාසදායි විද්‍යුත් වෙළඳපොළ පරිගණක මෘදුකාංගයක් විදෙශිය ගැනුම්කරුවන්ට හා දේශිය විකුණුම්කරුවන්ට භාවිතා කිරීමේ පහසුකම සලසා ඇත.
මෙම වෙබ් අඩවිය මගින් ඔබගේ සමාගමේ භාණ්ඩ හෝ සේවා ප්‍රදර්ශනය කිරීමටත් ජාත්‍යන්තර මිලදී ගන්නන්, බෙදාහරින්නන් සහ නියෝජිතයන් සමඟ සම්බන්ධ වීමෙන් ඔබේ අපනයන වෙළඳාම වැඩිදියුණු කර ගැනීමට අවස්ථාව සලසා දෙයි..
විද්‍යුත් වෙළඳපොළ තුළ ලියාපදිංචි වීම සඳහා සුදුසුකම් ලැබීමට පහත සඳහන් සුදුසුකම් සපුරා තිබිය යුතුය
ලියාපදිංචි ගාස්තුව - රු. 1000 / = (සමාගමකට උපරිම නිෂ්පාදන භාණ්ඩ 10 ක් පෙන්විය හැක)
වාර්ෂික අළුත් කිරීමේ ගාස්තුව - රු. 1000 / =
එක් ගනුදෙනුවක් සඳහා 6% ක සේවා ගාස්තුවක් අයකරනු ලැබේ (බැංකුවේ සේවා ගාස්තුවද ඇතුළුව).
විද්‍යුත් වෙළඳපොළ වෙළෙන්දෙකු වශයෙන් ලියාපදිංචි වීමට අයදුම්පත්‍රය බාගත කර ගන්න
ඉහත සේවාවන් ලබාගැනීම සඳහා ශ්‍රී ලංකා අපනයන සංවර්ධන මණ්ඩලයේ තොරතුරු තාක්ෂණ අංශය සමග සම්බන්ධවන්න
94-11-2305209
[email protected]
අප විසින් සපයා ඇති මාර්ගගත ලියාපදිංචි කිරීමේ ක්‍රියාවලිය අනුගමනය කරන්න. ඔබ සමඟ ව්‍යාපාර කටයුතු කිරීමට සූදානම් සුදුසුකම් ලත් ශ්‍රී ලාංකික සමාගම් සොයා ගන්න. අන්තර්ජාලය ඔස්සේ මිලදී ගත හැකි උසස් තත්ත්වයේ ශ්‍රී ලාංකික නිෂ්පාදන රැසක් සඳහා මෙම වෙබ් අඩවිය මගින් පහසුවෙන් ප්‍රවේශ විය හැකිය.
